Posts

Showing posts from August, 2023

109. MŨSUMBĨ WA THAYŨ WAKWA

   MŨSUMBĨ WA THAYŨ WAKWA (Lead me to calvary) 1. Mũsumbĩ wa thayũ wakwa,  Nĩngũkũtaĩa yu; Ndikolwe n'ĩla ngovia Weekĩiwe ya mĩw'a.  Ngĩlilikana kaivalĩ,  Ndikolwe nĩ mawoo maku,  Ndikolwe nĩ wendo waku,  Yĩla wandangĩĩe.  2. Mbony'a Yesũ ngoonĩ yakwa,  Wendo wa tei waku,  Nĩ kana nĩmony'e angĩ,  Wendo ũsu waku.  3. Ndethya Mwĩaĩi ,  Nĩkalae, Nĩ vakuvĩ naku; Manyĩsya yu matei maku,  Ndongoesya nyie.  4. Nĩthĩwe nĩyũmbanĩtye,  Kũkua ngelany'o,  Na kũmĩĩsya mathĩna,  Nĩ wĩanĩ waku.  (Amen)

110. NĨ NTHAKAME YĨ UATHIMO

   NĨ NTHAKAME YĨ UATHIMO (Blessed be the fountain) 1. Nĩ nthakame yĩ ũathimo Ĩtheasya aa ene naĩ.  kwa Yesũ ve ũvonokyo; Ndaĩa yonthe nĩnengwe Ngai,  Nyie nĩnaĩlwe n' ũsilĩlo.  Naemiwe nĩ kwĩthesya mwene; Nthambya nthakamenĩ ĩsu,  na ngeeth'wa nĩ mũtheu vyũ.  Ngeeth'wa mũtheu vyũ Ngeeth'wa mũtheu vyũ Nthambya nthakamenĩ yaku .  na ngeeth'wa nĩ mũtheu vyũ.  2. Yesũ nĩwekĩiwe mĩw'a,  Nĩwambiwe ngelany'onĩ,  Aĩ na kyalya kingĩ mũno,  Akĩmantha kũndangĩĩa.  Ĩĩ ve ũsĩ wa nthakame,  Nĩenda ngatuunye vau oyu: Nowe ũtonya kũnthesya Na ngeeth'wa nĩ mũtheu vyũ.   3. Asa ninyie mũtavany'a,  Ngoo yakwa nĩ nthũku mũno.  Naĩ syakwa nĩ mbingĩ mũno' Nĩnzũanĩwe wa kwĩka,  Yesũ, ninyie ũsu nĩũngyĩ.  Usĩnĩ wa nthakame yaku; Nthambya nthakamenĩ ĩsu na ngeethw'a mũtheu vyũ.  (Amen)

111. MŨSUMBĨ YESU MWĨAĨI

   MŨSUMBĨ YESU MWĨAĨI (Majestic sweetness) 1. Mũsumbĩ Yesũ Mwĩaĩi,  Nĩ mũnene,  Ũseo wake mũnene,  Ũkathwe oyu Ũkathwe oyu Nĩwambonie nĩ na naĩ,  Ndena wa kwĩndethya.  Na ndaasonoka kũngwĩĩa,  Mũtĩnĩ mũthũku Mũtĩnĩ mũthũku 2. Na kũti wendo kũkũ nthĩ.  Wĩana ũ wake,  wendo wa kwenda andũ au Na kũmatangĩĩa Na kũmatangĩĩa 3. Thayũ ũũ ũla nĩ waw'o,  Nanengiwe nĩwe,  Nĩ na ũtanu mũno nyie.  Natw'ĩka wake vyũ Natw'ĩka wake vyũ 4. Ũla wendaa ũekewa ,  Naĩ syake syonthe vyũ,  Nĩoke amwĩtĩkĩle.  Na kwĩnengane vyũ Na kwĩnengane vyũ 5. Akoka ĩngĩ Mwĩaĩi Asumbĩke kũũ nthĩ.  Tũkamũtaĩa mũno mbee.  Twamwona Mũtangĩĩi Twamwona Mũtangĩĩi (Amen)

112. MŨKELANYONĨ WA MŨTANGĨĨI

   MŨKELANYONĨ WA MŨTANGĨĨI (Down at the cross) 1. Mũkelanyonĩ wa Mũtangĩĩi Yĩla navoyie wovosyo,  Nĩvo wandangĩĩe, nĩ mwathe,  Mwana ũũ wa Ngai.  Mwana ũũ wa Ngai, nĩwe,  Mwovosya wakwa, Yesũ; Nĩwambovoisye Mũtangĩĩi,  Mwana ũũ wa Ngai.  2. Mũtĩnĩ ũsu wa wovosyo Nĩnamũvoyie anthesye,  Na nĩvo Yesũ wandangĩĩie,  Mwana ũũ wa Ngai.  3. Nĩwanumisye mavĩtyonĩ,  N'andwĩkĩthisye kana kake,  Yĩla wambiwe vau mũtĩnĩ Mwana ũũ wa Ngai.   4. Yesũ nĩwe ũsĩ wa thayũ: Ũmũnthĩ ũlike vo kwake Nĩvo ũkoona ũtangĩĩo,  Kwa Mwana wa Ngai (Amen)

113. YESŨ NĨWAMBENDIE

  YESŨ NĨWAMBENDIE (Amazing grace) 1. Yesũ nĩwambendie nyie,  Mũndũ mũthũku vyũ,  Amantha nĩ naĩnĩ ki,  Akw’a andangĩĩe.  2. Ĩnee yake nĩ ĩnene ũu Nĩ ya ũnzeny’a nyie Nũndũ vatiĩ mũndũ kũũ nthĩ Waakw'ĩĩa nthũ syake 3. E tei mũnene mũno we,  Na andekea vyũ; Nĩwe mũseo na wa w’o,  Yesũ, Mũtangĩĩi.  4. Nĩwe wĩkwatyo wakwa yu,  Wĩkwatyo mũlũmu,  Na nĩwe ngao ya ngoo yakwa.  Ya kũnzesea kũũ.  5. Maũndũ onthe make yu Nĩ ma andũ make.  Mumo mwingĩ wa Mwĩaĩi Mumo wa ũnzengy'a.  (Amen)

114. YESŨ ASYA NĨWATHELA

  YESŨ ASYA NĨWATHELA (I will trust) 1. Yesũ asya nĩwathela nyie nĩngwĩtĩkĩla Enamya mũtwe akw'a nyie nĩngwĩtĩkĩla Anthasya mũio wa naĩ na aĩva thiĩ wakwa Na noosa mũuo wake, nyie nĩngwĩtĩkĩla Nyie nĩngwĩtĩkĩla,  4x4 Nyie nĩngwĩtĩkĩla,  Nyie nĩngwĩtĩkĩla,  Na ndĩkakĩa nongi.  2. Mwĩaĩi nĩngũka kwaku nyie nĩngwĩtĩkĩla,  Nue weka ngao yakwa nyie nĩngwĩtĩkĩla Mbetea mũio wa naĩ nĩwose mumo waku,  Nĩkwĩkwatĩtye Mũndangĩĩi, nyie nĩngwĩtĩkĩla.  3. Ndina w'ia kana nzika nyie nĩngwĩtĩkĩla Mwĩaĩi vamwe nakwa nyie nĩngwĩtĩkĩla,  Nũke vakuvĩ naku nĩkalae vamwe naku,  Nĩvithe nthwaunĩ syaku nyie nĩngwĩtĩkĩla.  (Amen)

115. NŨNDŨ WAKWA

  NŨNDŨ WAKWA (Was it for me) 1. Nũndũ wakwa nyie mwene naĩ,  Mwovosya atiie ũsumbĩ,  Ũtheu mũnene ĩtunĩ,  Nũndũ wakwa ooka kũkw’a Nũndũ wakwa wonthe wakwa Wendo wa Ngai mũnene vyũ,  Wendo wake nĩngwina vyũ Nũndũ wakwa ooka kũkwa.  2. Nũndũ wakwa Mũlaĩka Nĩwatheeie Yutia Aĩthi makĩa mũno Nũndũ wakwa nĩtangĩĩwe.  3. Nũndũ wakwa we Mwovosya Anthũmũsya thayũ wakwa.  Ngĩmũĩĩkĩa ngĩmwĩkwatya Nũndũ wakwa none ũathimo.  4. Nũndũ wakwa akĩvoya Naĩ syakwa syĩ nene mũno Ũtukũ ũsu wa kĩmako,  Nũndũ wakwa athĩnw'a vyũ.  5. Nũndũ wakwa ngelany'onĩ,  Nthakame nĩyetĩkie,  Athooa thayũ ũũ wakwa,  Nũndũ wakwa nĩwambiwe.  (Amen)

116. NĨTWINEI NA ŨTANU MWINGĨ.

  NĨTWINEI NA ŨTANU MWINGĨ.  (Let us sing) 1. Twinei na ũtanu mwingĩ tũkathei Mwĩaĩi,  Nĩwambiwe mũtĩnĩ nũndũ wa naĩ sitũ.  Nĩwatiie ũsumbĩ ooka kũtũmantha,  Etĩkĩlile kũkw'a nũndũ wa naĩ sitũ.  2. Yesu nĩwasilĩlwe nĩ asumbĩ ma nthĩ Andũ athe na ‘lei nĩmamũvũthisye Asikalĩ ang'endu nĩmamũkũnie,  Mamwĩkĩie ngovia ya mĩw’a mũtwenĩ.  3. Namo nĩmamwambie Yesũ Mwana wa Ngai,  Mamwambie mũtĩnĩ vamwe na andũ athe; Mamũthekeie mũno moona ambĩtwe,  Ethĩwa wĩ Mwana wa Ngai ndwĩtangĩĩe mwene.  4. Yesũ nũnũkũlya mwanya ngoonĩ yaku,  Ndũkethwe na ngoo nyũmũ Yesũ nũkwendete; Ũka kwa Mwĩaĩi Yesũ wose thayũ mana,  Ethwa nũkũmũlea ũkathi mwakinĩ (Amen)

117. ITHYĨ TWĨNA MŨĨTHI

  ITHYĨ TWĨNA MŨĨTHI (Jesus leads) 1. Ithyĩ twĩna mũĩthi Yesũ ũtũtongoesye,  Wĩ mũĩthi mũseo Yesũ ũtũtongoesye; Wĩthĩwe mbee waitũ ũtũĩthye ithyonthe,  Myũnthĩ yonthe tũsũvĩe, Yesũ tũtongoesye.  2. Nzĩanĩ sya kũkũ nthĩ Yesũ ũtũtongoesye Tũvike kũu ĩtunĩ Yesũ ũtũtongoesye; Nzĩanĩ syĩna mĩisyo ũtũtethye ithyonthe,  Tũsũvĩe ndĩthya yaku, Yesũ tũtongoesye.  3. Kũũ kwĩna thĩna mwingĩ Yesũ tũtongoesye,  Satanĩ e na vinya Yesũ tũtongoesye,  Yĩla twĩvika kwaku tũkekala na mũuo,  Tũkĩtana na kũũkatha, Yesũ tũtongoesye.  (Amen)

118. NA VILATO AKYENDA KŨYĨW'ĨTHYA

  NA VILATO AKYENDA KŨYĨW'ĨTHYA (Seeking the lost) 1. Na Vilato akyenda kũyĩw’ĩthya,  Ĩkomano mũyo amathaĩsya Valava amina kũmũkũna,  Yesũ amũnengane mamwambe.  Na asikalĩ moosa Yesũ mathi ,  12/8 Nake nthĩnĩ nyũmbanĩ ya ũsilĩlo,  Na moombanya asikalĩ ĩana,  Mamũvwĩka ngũa ndune mũno.   2. Na matuma ngovia ya mĩw’a Na mamwĩkĩa mũtwe wake,  Na mambĩlĩlya ũmũkunamĩa Na kũmwĩa ũvoo Mũsumbĩ? 3. Na mamũkũna mũtwe wake,  Na mũangi na mamũtwĩla mata,  Na matulya ndu maimũthaitha Na mamumya ĩla ngũa ndune.  4. Na makwata mũndũ ũmwe,  Avĩtĩte aumĩte mũũndanĩ,  Weetawa Simioni Mũkelene Nĩkana amũkuĩe ngelanyo.  5. Na mamũtwaa Yesũ mathi nake,  Vandũ veetawa kolokotha,  Ũalyũlo wayo vandũ va kyongo Mamũnenga mbinyu na siki.  6. Na mamwamba maana ngũa syake Ianda ũ kyake na ũ kyake Na mũandĩko wa ũsilĩlo wake,  Waandĩkĩwe vau ngelanyonĩ.  (Amen)

119. MŨTHENYA ŨMWE WAĨ WA THĨNA

  MŨTHENYA ŨMWE WAĨ WA THĨNA (one day of sorrow) 1. Mũthenya ũmwe waĩ wa thĩna Atũkwĩie Mwĩaĩi X 2 Asyũka amaitha mamwona na nthoni,  Matesi aĩ Mwana wa Ngai 2. Nĩwatwaiwe mbee wa Vilato,  Na ndyaamwona ĩvĩtyo X 2 3. Athembi anene aandĩki,  Mamũtwĩĩe kũawa X 2 4. Na ĩndĩ mamwambie Mwĩaĩi,  Mamwambie mũtĩnĩ X 2 5. Nĩmamwiie vaũ ngunganĩ,  Namo meesĩ ndesyũka X 2 6. Nĩwathayũkie kũma kĩkw'ũnĩ,  Nũndũ wa Mwana wa Ngai X 2 (Amen)

120. YESŨ AVOTA MŨŨNDANĨ

 YESŨ AVOTA MŨŨNDANĨ (‘Tis night and on olive’s brow) 1. Yesũ avota mũũndanĩ,  Kũvoya Ngai amũtethye; Akua mũio mũnene Wa woo na naĩ sya ithyonthe.  2. Ũtukũ katĩ aĩ vau na Kwaĩ kĩvindu kũndũ kwonth’e Ndaamanyĩka nĩ andũ vau,  No Ngai waĩ mũtethya wake.  3. Ĩndĩ amanthiwe nĩ andũ Ala mataamwĩtĩkĩla Kana mamũkwate vo Mamwambe mũkelany’onĩ.  4. Andũ asu makĩthengeea Vakuvĩ na vala ũĩ,  Matavw’a ndeto ii nĩwe,  Ninyĩoo ũla mũkũmantha.  5. Ĩndĩ tũtaĩe Ngai mũno Ũndũ wa nthakame yake Ĩla yetĩkie vaa nthĩ,  Ĩtũetee thayũ.  (Amen)

121. TWĨMWINĨA MŨTANGĨĨI

 TWĨMWINĨA MŨTANGĨĨI (O song of my redeemer) 1. Twĩmwinĩa Mũtangĩĩi,  Nowe Yesũ Klĩsto; Wathi wa kũmũkatha,  Ĩĩ twinei mũno Ĩĩ Yesũ nĩ Mũtangĩĩi,  Ũsu watũkwĩĩe; Ambiwe vau mũtĩnĩ,  Twovow'e naĩnĩ.  2. Inywĩ ala mũkwĩw’a,  Tavany’ai ũvoo ũũ; Ũthasyo wĩna Yesũ,  Tavany’ai kũũ kwonthe.  3. Twĩmwinĩa Mũtangĩĩi,  Tũkina na mũyo; Osie naĩ sitũ,  Na’tũekea syo.  4. Twĩmwinĩa Mũtangĩĩi,  Nowe e weka tũ; Mwovosya ũla waw’o,  Ũla twĩkwatĩtye.  (Amen)

122. NGĨLILIKANA YESŨ

 NGĨLILIKANA YESŨ (When I remember Jesus my lord) 1. Ngĩlilikana Yesũ Mwĩaĩi wakwa,  Kwona ath’oiswe n'ũla Yutasi,  Ilungu mĩongo ĩtatũ sya vetha Na ndaasonoka kana kwĩw’a nthoni.  2. Tavanyai x2 Mathĩna asu x2 Ngĩlilikana Yesũ Mwĩaĩi wakwa,  Ngatavanasya syĩtwa ya Mũtangĩĩi.  3. Ambiwe vamwe nao ala ang’endu Yĩla wambiwe vau mũkelan'yonĩ Mũndũ ũmwe amũtonyie mbaunĩ Na ndaasonoka kana kwĩw’a nthoni 4. Nĩwakũniwe makũna maĩngĩ,  Na ĩtina ekĩiwe ngunganĩ,  Na wa katatũ nĩw'o wasyũkie,  Akĩlĩtye amaitha onthe vinya.  5. Alei na elikya mũkeka ata,  Yĩla atheu makosa ngovia? Na mũtitonya kũmyona na metho,  No kũsonoka kana kwĩw'a nthoni.  6. Yesũ Mwĩaĩi wakwa e ĩtunĩ,  Nũkoka kũmesĩa ala make,  Makaina aleluya tene wonthe,  Aleluya Mwĩaĩi Yesũ ataĩwe.  (Amen)

123. KWĨ KĨĨMA KŨASA MŨNO

 KWĨ KĨĨMA KŨASA MŨNO (There is a green hill far) 1. Kwĩ kĩĩma kũasa mũno,  Mũingo wa ũla mũsyĩ,  Mwĩaĩi waitũ woaiwe,  Kwa ũthũku witũ.  2. Tũtitonya kũmanya,  Thĩna wake w’onthe,  Ĩndĩ nĩtwĩsĩ nĩwakwie Atwovosye ithyĩ.  3. Nĩyetĩkie vava nthĩ,  Ĩĩ nthakame yake Ĩtũtwĩkĩthye make vyũ,  Tũmũkathe mũno.  (Amen)

124. NĨTWINEI NA KŨMŨKATHA MŨTANGĨĨI

 NĨTWINEI NA KŨMŨKATHA MŨTANGĨĨI (Let us sing again) 1. Nĩtwinei na kũmũkatha Mũtangĩĩi,  Ũla wakw'ie tũmũmanye asa,  Tũtavanyei nthĩ yonthe tei wake,  Ũndũ wathinie tũvike ĩtunĩ Nĩtwinei ũvoo wa ũsenyo,  Akw'ie ngelanyonĩ,  Ndaĩa na nguma syonthe syĩĩtwa syake,  Ũla wakwiie nũndũ wa naĩ sitũ.  2. Tũmũkathei nũndũ wa ndeto syake,  I syaandĩkiwe nũndũ witũ,  Nake e vakuvĩ na kĩla mũndũ,  Tei wake ndũnyivaa ona ĩndĩĩ.  3. Tũmũkathei nũndũ wa watho wake,  Nũndũ tũkoona mũsyĩ ũsũ mũtheu,  Navo tũkakomana na ala atheu,  No mĩtũkĩ tũwone mũsyĩ wake.   (Amen)

125. VAI MŨNDŨ WĨ WENDO MWINGĨ

 VAI MŨNDŨ WĨ WENDO MWINGĨ (The love that Jesus had for me) 1. Vai mũndũ wĩ wendo mwingĩ,  Ta wa Yesũ ngelany'onĩ; Kũwia thayũ wake nthĩ nũndũ,  Wa anyanyae make.  Wendo wake nĩ mwingĩ vyũ,  Wendo wake nĩ mwingĩ vyũ; Wendo wa Yesũ ũla waĩ naw’o.  Kwakwa ndũweteka.  2. Akw’ie kĩkw’ũnĩ kya thĩna,  Vate tei nĩwambiwe,  Nĩ kana nĩthĩwe na thayũ mwingĩ,  Ũla ndawetekya.  3. Mũuo nĩnaw’o kwa Mwĩaĩi Ũ wĩ ũsumbĩnĩ kwa Ngai,  Nthakame yake yetĩkie nthĩ Ya thooa mũnene.  4. Nĩ mũtanu nũndũ wake,  Nũnengete ũthũmũo Wĩkwatyo wakwa kwake nĩ mwingĩ,  Ũndũ ndawetekya.  (Amen)

126. NĨWATŨKWĨĨE YESŨ MWOVOSYA

 NĨWATŨKWĨĨE YESŨ MWOVOSYA (Low in the grave He lay) 1. Nĩwatũkw'ĩĩe yesũ Mwovosya,  Athayũũka ĩngĩ, Yesũ Klĩsto.  Na nĩwasyũkie akyuma ngunganĩ: Nĩwasyũkie auma kĩkwũnĩ,  Nayu atwĩe kũya ĩtunĩ,  Asyũka!Asyũka! ĩĩ nĩ Mwĩaĩi waĩtũ.  2. Nĩwathikiwe vaũ, Yesũ Mwovosya,  Makĩsũanĩa ndakokĩla.  3. Nĩwakĩlilye kĩkw’ũ vinya,  Atũtangĩĩe, Yesũ Klĩsto 4. Asikalĩ maĩvo makĩsyaĩĩsya Vala vamamĩtwe Mwana wa Ngai.  5. Nĩmavalũkile, asyaĩsya asũ,  Nĩmavalũkile akĩsyũka.  6. Yu nĩtũkasyũka ũndũ wa Yesũ tũkĩmwĩtĩkĩla Yesũ Klĩsto (Amen)

127. E THAYŨ YESŨ

 E THAYŨ YESŨ (Jesus lives thy terrors now) 1. Ethayũ Yesũ oyu,  Kĩkwũ kĩtĩũtũtĩsya,  E thayũ Yesũ oyũ Mbũanĩ ndĩna vinya ĩngĩ Aleluya.  E thayũ Yesũ oyu,  Watũkwĩie ithyonthe; Tũmũsũng’ũkye ewe Mwovosya wa mathayũ onthe.  Aleluya.  2. E thayũ Yesũ ĩngĩ,  Twĩvo wendonĩ ũũ wake; Vati ũndũ ũtonya,  Kũtũvatha ithyĩ kwake.  Aleluya.  3. E thayũ Yesũ ĩndĩ,  Akatwosa tũthi kwake,  Akamatanĩthasya,  Ala mamwĩtĩkĩlĩte.  Aleluya.  (Amen)

128. MWĨAĨI NŨTHAYŨŨKIE.

 MWĨAĨI NŨTHAYŨŨKIE.  (Christ the lord is risen today) 1. Mwĩaĩi nũthayũũkie alelũya Twinei vamwe na alaĩka alelũya Mbathi sitũ na ndaĩa, alelũya Vamwe namo nĩtũkwina.  2. Wovosyo nĩ mwĩanĩu, alelũya,  Na nũndũ wa nthakame, alelũya,  Nataĩwe Mwĩaĩi, alelũya,  Yu ethayũ ĩtunĩ, alelũya.  3. Ngunganĩ ve ũsilĩlo, alelũya,  Ũĩva vinya wawo, alelũya,  Kĩkw’ũ kĩtina vinya Nĩwumie ũkwũnĩ , alelũya.  4. Ethayũ Mwĩaĩi Yesũ , alelũya Kĩkw’ũ tũtikĩkĩa, alelũya,  Nĩwe watũkwĩĩe, alelũya Nayu nĩtũthaĩtwe, alelũya.  (Amen)

129. ALELUYA NĨTŨTANEI

 ALELUYA NĨTŨTANEI (Hallelujah He is risen today) 1. Aleluya nĩtũtanei ngoonĩ sitũ ithyonthe,  Tũmwinĩe mbathi nzeo tũmũkathei ithyonthe; Nũndũ wa ũsu wambiwe, nũndũ wa naĩ sitũ,  Nũthayũũkie ũmũnthĩ Yesũ Mũtangĩĩi waitũ.  2. Kĩkw’ũnĩ na ũimũnĩ amina vinya wasyo,  Yesũ mwene vinya w’onthe nĩwe wakĩlilye mbee; Naitũ nĩtũkakĩlya kwondũ wa vinya wake.  Yu twĩna thayũ ũtathela kwa kũthayũka kwake.  3. Mwĩaĩi nũthayũũkie tondũ wathanie mbee,  Na nĩtũkamwona ĩngĩ, mũsyĩnĩ wa asa waitũ; Na ngetha na nyingĩ mũno aingĩ matangĩiwe,  Na syũa ya wendo wake nĩyĩkewĩthya syonthe.  4. Mwĩaĩi nũthayũũkie naitũ nĩtũthayũke,  Tũendei na wendo mweũ tũtiĩte naĩ sya tene; Twĩthwe na ũsyao mweũ ũla wa wendo wake,  Naw’o nĩ wa meko maitũ ala ma kũmwendeesya.  5. Ndaĩa nĩyĩthĩwe kwakũ Asa waitũ ĩtunĩ,  Ndaĩa nĩyĩthĩwe kwakũ Yesũ Mũtangĩĩi waitũ; Ndaĩa kwa veva mũtheu ũla ũtũtethasya,  Ndaĩa kwaku Yeova nĩtũtangĩĩwe vyũ.  (Amen)

130. NDAVYA ĨNGĨ ŨVOO WA YESŨ

 NDAVYA ĨNGĨ ŨVOO WA YESŨ (The half was never told) 1. Ndavya ĩngĩ ũvoo wa Yesũ,  Wusũĩte mumo,  Nĩnendete kũwĩw’a mũno,  Ũndũ wandangĩie.  Ndavya ũvoo wake,  Wa mumo wa Yesũ,  Mumo wake wa ũsenya,  Weta ũmanyĩke.  2. Nĩnamanyĩte syĩtwa yoka,  No ndyathũmũĩte,  Neewie wasya wa mũlaĩka,  wa kũnthũmũsya ngoo.  3. Wĩkwatyo wakwa no niĩte,  Nthĩ mbee wa Mwovosya,  Ndina ũtanu ũngĩ kũũ nthĩ,  No nthĩnĩ wake tũ.  4. Kũkeethĩwa ũtanu mwingĩ,  Twavika ĩtunĩ,  Tũkaina vamwe na alaĩka,  Kũu kwake ĩtunĩ.  (Amen)

131. ALELŨYA, ALELŨYA

 ALELŨYA, ALELŨYA.  (Hallelujah Chrsit is risen) 1. alelũya, alelũya kwĩ ũtanu ĩũlũ ĩtunĩ Mwinĩei Ngai wathi wa ũtanu,  Wathi wa kũmũtaĩa nũndũ Yesũ nĩwambiwe; Nĩ kana nthĩ yovow'e nĩ Yesũ ũsu wambiwe Na nũsyũkie kũma akwũ.  2. Yesũ nĩwe wa mbee kũsyũka,  Ũsyao wa mbee wĩ thayũ,  Atwĩnũkye ĩtunĩ,  Nĩ mũsyĩ mwanakavye vyũ,  Tũkamũtulĩlya ndu.  Tũkeethĩwa atisũ vyũ,  Mwĩaĩi atũthayũũkya.  3. alelũya alelũya,  Ndaĩa kwa Ngai ĩũlũ,  alelũya kwa Mwovosya,  Ũla watwovoisye,  Na veva mũtheu wa Ngai,  Twĩna ũtanu mũno,  Tene na tene twinei,  Nũndũ wa Ngai asa waitũ.  (Amen)

132. ALELŨYA KAŨ NĨWATHELA

 ALELŨYA KAŨ NĨWATHELA (Allelujah, Hallelujah, hallelujah) 1. Alelũya, alelũya, alelũya,  Kaũ nĩwathela yu kwĩ mũuo; Vinya wa thayũ wĩna ũtonyi,  Nakathĩĩwe mavinda onthe.  Mwĩaĩi Yesũ.  2. Alelũya, alelũya, alelũya Vinya wa kĩkw'ũ nĩũemetwe; Ĩndĩ ndwĩ ũtonyi ĩũlũ wake,  Nĩwakĩlilye kĩkwũ vinya,  Mwĩaĩi Yesũ.  3. Alelũya, alelũya, alelũya,  Matukũ atatũ ma kĩmako,  Aĩ ũkwũnĩ na asyũka; Nakathĩĩwe kwonthe kũũ nthĩ.  Mwĩaĩi Yesũ.  4. Alelũya, alelũya, alelũya,  Atusangie mĩnyololo,  Nzĩa ya ĩtunĩ avingũa; Tũmwinĩe Mwĩaĩi na ũtanu.  Mwĩaĩi Yesũ.  5. alelũya alelũya, alelũya,  Nĩwakũniwe vandũ vaitũ,  Nĩkana naitũ tume naĩnĩ,  Tene na tene tũmũkathei.  (Amen)

133. YESŨ AKYAMBATA ĨTUNĨ

 YESŨ AKYAMBATA ĨTUNĨ (They were in an upper chamber) 1. Yesũ akyambata ‘tunĩ,  Atavisye amanyĩw’a Masyoke Yelũsaleme,  Veva wake amatheea.  Ĩĩ Ngai ũtũetee yu Vinya wa veva waku Wusũe ngoonĩ sitũ Naĩ syonthe ivetwe.  2. Moombanĩaa nyũmba ĩũlũ,  Mekalaa na ngoo ĩmwe Vandũ va myũnthĩ ĩkũmi Makivoya na ũĩkĩĩi.  3. Na ĩvinda yeanĩa.  Nĩmĩ ta sya mwaki tũ Syooka, syumĩte ĩtunĩ.  Syekalĩla ĩũlũ woo.  4. Veva mũtheu ooka Mausũwa onthe vyũ,  Andũ ngil'itatũ moosa Yesũ Mũtangĩĩi waitũ.  5. Ngai nũkweteela kũnenga Ithyĩ make vinya ũũ Ĩndĩ tũmũsiĩĩa mũno Nĩ naĩ ngoonĩ ii sitũ.  (Amen)